मंगळवार, १७ एप्रिल, २०१८

कावळ्यांची ढुकं

देवाजींने तिका
दिला दान देह
रूप दिले तिका
भवा दिला मोह.

देवाजीच्या देहा
बिलगे कापड
नजरांचे फड
नाचवती मढ़

देवाजीच्या देहा
बिलगती नाती
कातळाची माती
तुळशीला जड

देवाजीच्या देहा
टोचले बोचले
वासनांचे हेले
पोसणारी डोकं

देवाजीच्या भवा
घडते रे काय
द्रौपदीची हाय 
जग बघे वग.

देवाजी ही  तिचा
कर ना सांभाळ
नजरा वंगाळ
गढूळला डोह

देवाजीला मागे 
हाडांचे सापळे
मासांचे ते गोळे
शमविना भूक

देवाजीच्या देहा
तिने केले दान
पिंडीतला प्राण
कावळ्यांची ढुकं

-भूराम
४/१८/२०१८

कोणत्याही टिप्पण्‍या नाहीत:

टिप्पणी पोस्ट करा